LOGAN (2017) [පූර්ව ප්‍රචාරක පටය සිංහල උපසිරැසි සමඟ]

ආයුබෝවන් යාලුවනේ. ඔන්න මම කියපු විදියට ඔයාලට Logan චිත්‍රපටයේ පුර්ව ප්‍රචාරක පටය අරගෙන. ඔයාලට මම ලෝගන් එහෙම නැත්නම් වුල්වරින් ගැන මිට කලින් විස්තර කරලා තියනවා නේ. ඉතින් මම ආපහු එයා ගැන ඔයාලට විස්තර කරන්න යන්නේ නැ. ඒක බයිස්කෝප් මන්සලේ තියන ඒ ලිපිය කියවා දැනගන්න. මම කියපු විදියටම මේ Logan(2017) චිත්‍රපටය සකස්වෙන්නේ Mark Millar කියන කොමික් කතා රචකයා ගේ Old Man Logan කියන චිත්‍රකතාවට අනුව. වුල්වරින් තුන්වන කොටස ලෙස නිර්මාණය වෙන මේ චිත්‍රපටයේ කතාව කෙටියෙන් මෙහෙම පැහැදිලි කරන්න පුළුවන්.

වර්ෂ 2024 දි ලෝගන් ට සහ X-Men ප්‍රදානි චාර්ල්ස් එග්සෙවියර් ට මුහුණ දෙන්න වෙනවා නතානියල් එක්සස් (Nathaniel Essex ) කියන අපසාරී බලය තියන සතුරෙක් එක්ක. එයාලට ලොකුම ගැටලුව වෙන්නේ මේ අවස්ථාවට මුහුණ දෙන්න එයාලට X-Men කණ්ඩායම නොමැති වීමත් චාර්ල්ස් එග්සෙවියර් ඇල්ෂයිමිර් රෝගයට ගොදුරුවීම හින්ද එයාගේ මානසික ශක්තිය දුර්වල වීමත් ලෝගන් සතුව තිබුන රෝග සහ තුවාල සුවවීමේ ගුණය වියැකී යාමත් හින්ද. ඒ වගේම මේ අවස්ථාව වෙනකොට දෙදෙනාම වයස් ගත වෙලා ඉන්නේ. ඉතින් එයාලට මේ සටන කරගෙන යනකොට එයාලට උදව්වට එන්නේ වුල්වරින් ගේ හැකියාවම තියන ලෝරා කෙනී කියන කුඩා දැරිය. ඇත්තටම ඒ වෙන කවුරුවත් නොව වුල්වරිනේ ගේ ජාන ආශ්‍රයෙන් Weapon X නිර්මාණය කරන ලද දැරියක්. ඉතින් මෙයාලට නතානියල් එක්සස් පරාද කරන්න පුළුවන් ද නැත්ද කියල බලන්න ඔයාලට චිත්‍රපටය බලන්න වෙනවා.

මේ චිත්‍රපටයේ ඔයාලට හමුවෙන චරිත කිහිපයක් මම කෙටියෙන් හඳුන්වා දෙන්නම්.

James Howlett / Logan / Wolverine (ජේම්ස් හොවෙල්ට් / ලෝගන් / වුල්වරින්) – හියු ජැක්මන්

Logan-2017

අවුරුදු හතලිස් අටක් වෙන හියු ජැක්මන් වුල්වරින් චරිතට මුල ඉඳලම රංගනයෙන් දායක වෙච්ච නළුවා. මෙම චිත්‍රපටයේ අප දැකල තියන එයාගේ කඩවසම් දේහය වෙනුවට වියපත් රුපයක් තමා දක්නට තියෙන්නේ.

Charles Xavier / Professor X (චාර්ල්ස් එග්සෙවියර්/මහාචාර්ය එක්ස්) – පැට්‍රික් ස්ටේවර්ට්

 Prof-X

X-Men කතාමාලාවේ මුල් කාලයේ මහාචාර්ය එක්ස් ගේ චරිතය පැට්‍රික් නිරුපනය කරලා තියනවා. මේ චිත්‍රපටයේ මෙයාගෙත් වයස්ගත රුපයක් තමා දක්නට තියෙන්නේ.

Dr. Zander Rice (Weapon X විද්‍යා ගාරයේ ප්‍රධාන ශල්‍යකර්ම බාර දොස්තර වරයා ) – රිචර්ඩ් ඊ ග්‍රාන්ට්

Zander-Rice

මෙම චිත්‍රපටයේ ලෝගන් ඇතුළු පිරිසට එරෙහිව ගැටුමට එකතුවන රෙවර්ස් කණ්ඩායමේ නායකයා තමා මේ. මුලසිටම X-Men කණ්ඩායම විනාශ කරන්න තමා මෙයා උත්සාහ කරන්නේ.

Donald Pierce ( ඩොනල්ඩ් පියර්ස්- බොයිඩ් හොල්බ්රුක්)

Donald-Pierce

මෙම චිත්‍රපටයේ ලෝගන් ඇතුළු පිරිසට එරෙහිව ගැටුමට එකතුවන රෙවර්ස් කණ්ඩායමේ නායකයා තමා මේ. මුලසිටම X-Men කණ්ඩායම විනාශ කරන්න තමා මෙයා උත්සාහ කරන්නේ.

Caliban (කැලිබෝන්) – ස්ටෙපන් මර්චන්ට්

Caliban

මේ චරිතය ඔයාලට X-Men: Apocalypse චිත්‍රපටයෙත් හමුවෙනවා. හැබැයි ඒ චරිතය නිරුපනය කරන්නේ තෝමස් ලේමරික්. ඔයාලට මෙයා මෙම චිත්‍රපටයේ චාර්ල්ස් එග්සෙවිය්ර් මහාචාර්යවරයා ගැන සොයා බලන කෙනා විදියට දක්නට ලැබේවි.

Laura Kinney / X-23 (ලෝරා කෙනී) – ඩෆ්නේ කෙන්

X-23

ඔයාලට Marvel චරිත තුලින් මේ චිත්‍රපටයේ තමා ඉස්සෙල්ලම මේ චරිතය දක්නට ලැබෙන්නේ. වුල්වරින් ගේ ජාන ආශ්‍රයෙන් නිර්මාණය කරන දැරිය තමා මේ. මේ චිත්‍රපටයේ තියන සටන් ජවනිකා රඟපෑමට ඩෆ්නේ කෙන් වෙනුවට සියෙනා නිලොව් කියන නිළිය යොදා ගත්තා කියල තමා දැනගන්න තියෙන්නේ.

Nathaniel Essex (නතානියල් එක්සස්) – බ්‍රයන් සිංගර්

Nathaniel-Essex

ලෝගන් චිත්‍රපටයේ ප්‍රධාන දුස්ටයා තමා මේ. විද්‍යාව ගැන හසල දැනුමක් තියන ඒ වගේම Marvel දරුණුම දුෂ්ටයන් දස දෙනා අතරේ ඉන්න මෙයා ඔයාලට පලවෙනි වතාවට තමා දකින්න පුළුවන් වෙන්නේ. වෙන අයගේ මොලයට ඇතුල්වෙන ටෙලිපති හැකියාව මෙන්ම සුවිසාල බලයක් මුදාහැරිය හැකිවීම මෙයාට තියන විශේෂ හැකියාවන්.

මෙම චිත්‍රපටයේ අධ්‍යක්ෂණය 2013 දි The Wolverine චිත්‍රපටයත් නිර්මාණය කරන ලද ජේම්ස් මන්ගොල්ඩ් වන අතරේ Marvel Entertainment ,TSG Entertainment,The Donners’ Company යන චිත්‍රපට නිෂ්පාදන ආයතන නිෂ්පාදනයෙන් දායක වෙනවා. චිත්‍රපටය බෙදාහැරිම 20th Century Fox ආයතනය මගින් සිදු කෙරෙනවා. ඩොලර් 127,000,000 පමණ ඇස්තමේන්තු ගත වියදමක් දරා මෙම චිත්‍රපටය නිර්මාණය කිරීමේ මුලික අදියර 2015 මාර්තු මාසයේ ආරම්භ උනා. පසුව රූපගත කිරීම 2016 මැයි මස නව වන දින පටන් ගත්තා. ඔයාලට මෙහි පළමු නිල පෝස්ටරය ඔක්තෝම්බර් පස් වෙනිදා එලි දැක්වූ අතර පුර්ව ප්‍රචාරක පටය ඔක්තෝම්බර් විසිවෙනි දින නිකුත් උනා. මෙහි දක්නට ලැබෙන බිහිසුණු දර්ශන හේතුවෙන් R ලෙස වර්ගීකරණය වෙලා තියන මේ චිත්‍රපටය 2017 මාර්තු 3 වනදා සිට ඔයාලට නැරඹීමට හැකියාව තියනවා.

G.A.P. Ranathunga (44 Posts)


4 thoughts on “LOGAN (2017) [පූර්ව ප්‍රචාරක පටය සිංහල උපසිරැසි සමඟ]

  • October 27, 2016 at 12:31 AM
    Permalink

    ඇයි මේක වුලාගේ අනිතිම ෆිලුම වෙන්නේ, මං නම් හිතන් නෑ එහෙම වෙයි කියලා උඹලා හිතනවද marvel එක වුලාට නිකන්ම මැරිලා යන්න දෙයි කියලා. සමහර විට hugh jackman නැතත් (hugh jackman තමා ඉතිං පට්ටම) වෙන එකෙක් ඔය චරිතේ කරයි අනාගතේ දී.

  • October 25, 2016 at 3:35 PM
    Permalink

    patta ban…
    bohoma ithuthi me vithara tika genawata….

  • October 21, 2016 at 12:03 PM
    Permalink

    ස්තූතියි හසෝ වුලාව දකින්න ලැබෙන අන්තිම ෆිල්ම් එක කියල හිතෙනකොටත් දුකයි

  • October 21, 2016 at 10:12 AM
    Permalink

    බොහෝම ස්තුතියි මේ කරන කැපවිමට.

Leave a Reply

Your email address will not be published. Required fields are marked *