සිනමාත්මක පෙරසලකුනු ඔස්සේ ගේම් ඔෆ් ත්‍රෝන්හි නැවත කියවීම – 05

-Jon snow උත්ථානය
හෙවත් ප්‍රීතියට හෝ විප්‍රලාපයට පත් අසීමිත ප්‍රේක්ෂකයාගේ කතා වස්තුව-


Jon යනු Game of Throne කතා මාලාවේ ප්‍රධාන පෙළේ චරිතයකි. ඔහු ප්‍රකාරය රකින්නට දිවුරුමු දුන්, නිශා රැකුම් බලමුළුවේ නායකවරයාය. තුරුණුම නායකයාය. ඔහුගේ මිය යාමෙන් කතාමාලාවේ පස් වෙනි පරිච්ඡේදය නිමාවීම බොහෝ ප්‍රේක්ෂකයන් තුල සංකාව ජනිත කළේය.Game-Thrones-Season-6-Pictures කෙටියෙන්ම ජෝර්ජ් ආර් ආර් මාටින් ඇතුළු තිර පිටපත් රචනා කළ කිහිප දෙනා වෙත සාප කිරීම දක්වා එය දරුණු විය. Jon මිය ගියේ නැති බවට එක් කළ හැකි හැම සාක්ෂියම සොයා බොහෝ ප්‍රේක්ෂකයන් වෙහෙසුණ අතර තවත් අය ඔහු මරු තුරුළෙන් නැවත කැඳවිය හැකි හැම ක්‍රමයක්ම සිතා බැලුහ. ඒ ගැන සංවාද කළහ.

කෙසේ හෝ හය වැනි පරිච්ඡේදයේ, (පොතක සහය නොදැක පිටවූ පළමු කතා පරිච්ඡේදයෙන්) දෙවැනි කොටසේ අගදී මිය ගිය JON නැගිට්ටේය.Game-Thrones-Season-6-Pictures අපට ඒ මොහොතේ සිට වර්ග දෙකක ප්‍රේක්ෂකයෝ ලැබී ඇත. පළමුවැන්න, ඔහුගේ නැගිටීමෙන් අමන්දානන්දයට පත් වූ අය වන අතර, දෙවැන්න මල එවුන් නැගිටීමේ අභව්‍යතාවය හා ජෝන්ගේ නැගිටීම විකාරයක් වූ අය වේ.

ජෝන්ගේ නැගිටීම විකාරයක් වන අයට දිය හැකි සාධාරණ හේතු මොනවාද? පළමුවැන්න, ජෝන් නැගිටීම අභව්‍යයි. එයට දිය හැකි පිළිතුර නම්, Game of Throne විශ්වයට මරණින් නැගිටීම අභව්‍ය හෝ දූෂ්‍ය නැත. එය දෙවියන්ට යාඥා කර අවශ්‍ය අය උදෙසා කළ හැකි දෙයකි. එය මින් පෙර කතා මාලාවේ පෙන්වා ඇත.Game-Thrones-Season-6-Pictures දෙවැනි තර්කය ජෝන් මේ වනවිට සිය කටයුත්ත නිමා කර අවසන්. (මෙම කතා මාලාවට අනුව, බොහෝ දෙනාගේ තර්කය නම් තමන් විසින් සිදු කළ යුතු හෙළිදරව්වෙන් අනතුරුව, ප්‍රධාන කාර්යයෙන් අනතුරුව චරිත මිය යා යුතුය.) ජෝන් කටයුත්තේ භාරදූරත්වය ගැන පෙර හුරුවක් පෙන්නුවා මිස, කටයුත්ත අවසන් කළේ නැත. තවත් සාධාරණ හේතු වේ නම්, ඔබට සංවාදයට විවෘත අතර Kit නැමති නලුවා කෙරෙහි වන පුද්ගලික ඉරිසියාවල් සංවාදය සඳහා යොදා නොගන්න. 😀

දැන් අපි ජෝන් නැගිට්ටේ ඇයි දැයි හොයා බලමු. එය හුදෙක්, ප්‍රේක්ෂකයා පිනවීම පමණද? ජෝන් මිය නොයන බව, ජෝර්ජ් ද දනී. ඔහු එය සැලසුම් කර කතාව උච්චයට රැඟෙන ආවේය. ඔහු මේ සඳහා යොදා ගන්නේ ජුලියස් සීසර්ගේ ඝාතන ක්‍රමවේදයයි. ජෝන් ස්නෝ දක්ෂයෙකි, සටන් කරුවෙකි, අනෙකා ගැන සිතූ අයෙකි. ඔහු මිය යන්නේ ඔහු ළඟසිටි පුද්ගලයන් අතිනි. අවසන ඔහුට පිහි පාර අනින්නේ ඔහුගේ හිතවත්ම, පුතෙකු සේ ඇති දැඩි කළ ඔලී ය.Game-Thrones-Season-6-Pictures මේ තනිකරම සීසර්ගේ කතාවයි.ඔලී නිරූපණය කරන්නේ බෘෘටස් චරිතයයි. මාර්ක් ඇන්තනීගේ පැමිණීම මෙහිදී අපේක්ෂා කළ නොහැක, ටොලමි වෙනුවට නැවත වරක් සීසර්ටම නැගී සිටිය යුතු වෙයි. ධවල ඇවිදින්නන්ගේ යුද් ධය නිමාවී නැත. එයට Jon නායකත්වය දිය යුතුය. මේ වන විට, වින්ටෆෙල් නැවත
බේරා ගත හැකි එකම පිරිමියා Jon ය.

සන්සාගේ ආරක්ෂාව, රෝබ්ගේ බලාපොරොත්තුව, ආර්යාගේ විශ්වාසය, බ්‍රැන් හා රිකොන් ගේ අනාගතය ඇත්තේ Jon අතේ බව, කතා මාලාව නරඹන ඕනෑම කෙනෙක් දනී. සන්සා යන්නේ Jon සොයාය. ආර්යා බ්‍රාවෝස් වලට නැව් නගින්නේ  Jon වෙත යන්නට නැවක් නැති කමිනි. බ්‍රැන් හා රිකොන්ට මේසටර් වරයා යන්නට කියන්නේ Jon ළඟටය. රොබ් මිය ගොස් ඇත. එසේ නම් බලය සහ ජවය පවතින තැන කෙසේ හෝ නැගිටිය යුතු නොවේද? තව දුරටත්, ඉතාම සරලව Jon නැගිටිය යුත්තේ Sam ට ඔහු පොරොන්දුවක් දුන් නිසාය. ටලී වරුන්ගේ ලැජ්ජාවක් වන Jon ට පණ මෙන් ආදරය කළ එකම ටලී වරයා Sam ය. ඔහු සැම විටම ජෝන්ගේ නැවත පැමිණීම විශ්වාස කළේය. තවදුරටත්, ජෝන් නොදන්නා බොහෝ දේ ඇත. ඒවා දැනගන්නා තුරු ජෝන් මිය යාම යුතු නැත.Game-Thrones-Season-6-Pictures Game of Throne විශ්වයේ සියල්ලෝම මිය යාමට ප්‍රථම තමන් දැන ගත යුතු බොහෝ දේ දැනගනිති. ජොෆ්‍රි, එඩාර්ඩ්, ස්ටැනිස්, ටයිවින්, බෝල්ටන්, රොබ් එයට සාක්ෂි දරයි. මොවුන් සියලු දෙනා නිකරුණේ ඝාතන එකක් හෝ සිදුකර ඇත. එහෙත් ජෝන් එසේ සිදු කර නැත. ඔහු  Many Face God ගෙන් වුවද, Lord of Light ගෙන් වුවද, දෙවියන් සත් දෙනාගෙන් වුවද  Game of Throne විශ්වයේදී ආරක්ෂා වෙනු ඇත. නමුත් මිනිසුන් ගෙන් කෙසේ වේදැයි අනාගතයේදී වුවද අස්ථිරය.

කොහොම නමුත් නැගිටින Jon මිය ගිය කෙනාට වඩා තරමක වෙනසක් කරාවි යැයි අපි බලාපොරොත්තු වෙමු. කෙසේ වෙතත්, වේදනාවට හෝ ප්‍රීතියට පත් ඔබට මෙසේ කියමි. ජෝර්ජ් ආර් මාර්ටින් ගේ නවකතාව හෝ මේ ටෙලිකතා මාලාව හෝ ඔබව රැගෙන යන උච්චයන් ගැන එතරම් විශ්වාස නොතියන්න. බොහෝ කාලයක් නාට්‍ය නිර්මාණය වූයේ පුරුෂ සුරතාන්ත පාදක කොට වුවද, වර්තමානය එය ස්ත්‍රී සුරතාන්ත පාදක කොට නිපදවනු ලබයි. ඉන් හඟවන්නේ, වර්තමාන කතා මාලා වැඩි වෙලා නොරැදී, විටින් විට මතුවන යටපත්වන උච්ච බොහෝමයකින් සමන්විත හැකි බවයි. කෙසේ වෙතත් මාතෘමූලික සමාජ හර පද්ධතීන්, සංස්කෘතින් හා ශක්තීන් කලාව තුළින් ජනගත කිරීම උදෙසා ගනු ලබන මේ පරිකල්පිත කතාන්තර මාලා කෙළවර, මව නොදැනම අහිමිව ගිය දරුවෙකුගෙන් ඉටුකර ගත හැකි  විශාල අනාගත කාර්යයක් තිබිය හැකි බව සිතිය හැක.

ඔහු උත්ථානය වීම අති සාධාරණ බව මගේ පුද්ගලික මතයද වේ. එයට හේතුව නම්,දුෂ්ටයන් බොහෝ සිටින බැවින්, වීරයා දුෂ්ටයන් අඩක් වත් නොසිඳ ඉක්මනින් මිය යාම ප්‍රේක්ෂකයාගේ ශක්තියට කරන අසාධාරණයක් බවයි. කතාවක් සාර්ථක වන්නේ ප්‍රේක්ෂකයාට සැම විටම කොකා පෙන්වීමන් නොව, පේක්ෂකයා තෘප්තිමත් කිරීමෙනි. එය Game of Throne නිර්මාපකයන් තේරුම් ගත් බවට හොඳම සාක්ෂිය Jon ගේ උත්ථානයයි.i


.
.
ස්ටැනිස් පරාද වූයේත්, බෝලටන් ලා දිනුවේත්,පිටියේ වාසිය කරණ කොටය. ස්ටැනිස් මිත්‍යාව නිසා පරාජයව මිය ගිය බව අප කීම නොහොබීය. එයට හේතුව වෙස්ටරෝස් ලංකාව නොවන නිසාය. ස්ටැනිස් සැබවින්ම පැරදුණ් හිම නිසාය. අනෙක් විට ඔහු ජයගන්නට නුසුදුසු නිසාය. ස්ටැනිස් වැනි බලය උදෙසා පමණක් තීරණ ගන්නා නායකයන් ජයග්‍රහණය කිරීම තුළ රාජ්‍යට හෝ පුරවැසියාට පැවැත්මක් නොවේ. එම නිසා එම නායකත්වයන් මුලින් හෝ පසුව හෝ අවසාන විය යුතුය.Game-Thrones-Season-6-Picturesමිනිසුන්ට හැම මොහොතේම හැම දේම එතරම් පහසු කරන්නේ නැත. ජෝන් ස්නෝට රැම්සි බෝල්ටන්ට වඩා පිටියේ වාසියත්, පිරිස් බලයත් තිබේ යැයි අප දැනට සිතමු. දැනට සන්සාද ඔහු වෙත පැමිණිමට නියමිත බැවින් “නාමික“ වාසිය ද ඔහු ළඟට පැමිණේ යයි අපි උපකල්පනය කරමු. එහෙත් දැන් නිවස ලබා ගැනීම ගැන තවත් ප්‍රශ්නයක් වෙයි. සන්සා මෙන්ම සංකේතය මරා දමන ලද තවත් ස්ටාර්ක් වරයකුගෙන් හතුරු පිරිස හැඩ වී ඇත.Game-Thrones-Season-6-Pictures ළදරු කාලයේ සිට පීඩාකට පත් වූ ළමයෙකුගේ මානසික තත්වය ගැන මට එතරම් විශ්වාසයක් නැත. එක්කෝ රැම්සිට තවත් “ රීක්“ කෙනෙක් ලැබේවිද?. නැතිනම් එය වෙනස්ම කතාවක් වේවිද? මම වයිල්ඩිලිං කාන්තාව ගැන හැමවිටම ඕනෑවට වඩා විශ්වාස කරමි. මම ඊටත් වඩා “සැමවිටම වින්ටෆෙල් වල ස්ටාර්ක් වරයකු සිටීමේ“ නියත වාසිය විශ්වාස කරමි. කෙසේ වෙතත් කිසිවක් ස්ටාර්ක් වරුන්ට පහසු නැත. සතුට නම් රොබ් නැතත් අනෙක් සියලු ස්ටාර්ක් දරුවන් ජීවතුන් අතර සිටීමය. ජෝන් ස්නෝ යනු “අසුර් අහායි“ නම් ගිනි දළු මැදින් අසිපත අතට ගන්නා ගැලවුම් කරුවා නම් ඔහු ගිනි දළු වන මකරු තිදෙනාත්, යතුර වන කලිසිත් සමීපයට එනතුරු ජීවත් විය යුතුය.maxresdefault එන්න අපි තව වරක් ජෝන්ට සුබ පතමු.oUsOZ8t

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

නෙරංජි සුලක්ඛනා (33 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

neranji has 33 posts and counting.See all posts by neranji

6 thoughts on “සිනමාත්මක පෙරසලකුනු ඔස්සේ ගේම් ඔෆ් ත්‍රෝන්හි නැවත කියවීම – 05

  • May 23, 2016 at 2:08 PM
    Permalink

    අක්කෙ ඔයානම් පට්ට. මෙච්චර ආසාවෙන් මේ වගේ ටීවී සීරිස් බලන කෙල්ලො ඉන්නවද

  • May 17, 2016 at 12:45 PM
    Permalink

    ස්ටැනිස් ඇත්තටම මැරුණද කියල පෙන්නුවේ නැහැ නේද? එයත් අපහු එයි ද දන්නහ 😀

  • May 13, 2016 at 11:14 PM
    Permalink

    godaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaakkkkkkkkkkkkkkkkkkkkkkk thannnnnnnnnnnnnnnnnnnnnnnnnnnnxxxxxxxxxxxxxxx me lipi tikata,,…maaaaaarama maaaara watinawa..

  • May 13, 2016 at 12:59 PM
    Permalink

    මොනව කියන්නද කියල හිතාගන්න බෑ.ඒතරම් පට්ටෙට මේ ලිපිය ලියල තියෙනවා.දිගටම මෙහෙම ලියන්නලැබේවායි කියල සුබ්පත්නවා….!!!!

  • May 12, 2016 at 4:30 PM
    Permalink

    monawa kiynnada therennha.. liyala thiyenwa asti halenna.. hikz.. gd lck

  • May 12, 2016 at 6:33 AM
    Permalink

    All Hail His Grace Jon of house Targaryen and stark the first of his name rightful king of the andals and the first men lord of the seven kingdoms and protecter of the realm…….

Leave a Reply

Your email address will not be published. Required fields are marked *