Hotel Transylvania 2 | හොල්මනක් නොවූ හොල්මනක්…

1මෙන්න බාන්නකෝ ගිහින් ෆිල්ම් එක මුලින්ම….

Hotel Transylvania (2012) | රාස්ස සාදේ…[සිංහල උපසිරැසි සමඟ]

මේ ලබා දී ඇති සිංහල උපසිරැසි පිළිබද  “උදා”  සොහොයුරාට අප සැමගේ ස්තූතිය හිමි විය යුතුය..2

පිටත් උන දවස : සැප්තැම්බර්  25, 2015 (USA)

අධ්‍යක්ෂණය : Genndy Tartakovsky

බයිස්කෝප් එක පෙන්වන කාලය : පැය 1 යි විනාඩි 29 යි.

බයිස්කෝප් එකේ ස්බාවය : Hotel Transylvania Series

බයිස්කෝප් එක නිෂ්පාදිත ආයතනය : Sony Pictures Animation

 

යක්ෂ, ප්‍රේත, භූත, පිසාච, රාක්ෂ, කුම්භාණ්ඩ ආදී මෙකී නොකී සියලු අමනුෂ්‍යයින් සිය විවේකය මනුෂ්‍ය පුළුටකවත් බාධාවකින් තොරව විනෝදයෙන් හා සැනසිල්ලෙන් ගත කිරීමට පැමිණෙන ස්ථානයකි, ඩ්‍රැකියුලාගේ ට්‍රැන්සිල්වෙනියා හෝටලය (Count Dracula’s Hotel Transylvania).3

එක් විශේෂ සති අන්තයක ඩ්‍රැකියුලා විසින් අදිසි මිනිසා, මමී, ෆ්‍රැන්කන්ස්ටයින් භූතයා වැනි සිය හිතවතුන්ට හෝටලයේ විශේෂ ආරාධනයක් කරන්නේ සිය ‘නව යොවුන්’ දියණිය වන මාවිස් ගේ 118 වන උපන්දිනය සැමරීම සඳහායි.4

ඒ නමුත්, මේ සතුටුදායක සන්ධ්‍යාවේ ඩ්‍රැකියුලාට නොසිතූ විරූ අකරතැබ්බයකට මුහුණ දීමට සිදු වේ. ඒ ජොනී නම් මනුෂ්‍ය තරුණයා නොදැනුවත්වම මෙම සාදයට කඩා වැදීමත්, සිය දියණිය වන මාවිස් සමඟ ආලයෙන් වෙලීමත් නිසා ය.5

බැලූ බැල්මට අද්භූත කතාවක කොටසක් සේ හැඟෙන මේ සිදුවීම් මාලාව දිග හැරෙන්නේ, ගෙන්ඩි ටාටකොව්ස්කි ගේ අධ්‍යක්ෂණයෙන්ද, ඇඩම් සැන්ඩ්ලර්, ඇන්ඩි සැන්බර්ග්, සෙලෙනා ගෝමස් වැනි ජනපි‍්‍රය නළු නිලි පිරිසකගේ හඬ දායකත්වයෙන් ද, නිර්මාණය කෙරුණු 3D  පරිගණක සජීවීකරණ හාස්‍යෝත්පාදක චිත්‍රපටයක් වූ Hotel Transylvania  (හොටේල් ට්‍රැන්සිල්වෙනියා) හි ය.6

2012 වසරේ සාර්ථක ආදායම් ලබමින් තිරගත වූ මෙම චිත්‍රපටයේ දෙවැනි දිගහැරුම වන Hotel Transylvania  2 චිත්‍රපටය පසුගිය (සැප්.) 25 දා සිට ලොව පුරා තිරගත වීම ඇරඹුණි. පළමු කණ්ඩායමේ ම නිර්මාණයක් වන Hotel Transylvania  – 2 වන චිත්‍රපටයද  Columbia Pictures බෙදා හැරීමකි. රොබට් ස්මිගෙල් සහ ඇඩම් සැන්ද්ලර් ගේ තිර රචනයකි.7

මේ වන විට සිය පිරිවැය (ඇ. ඩොලර් මිලියන 80) ඉක්මවා ආදායම් උපදවා ඇති මෙම චිත්‍රපටය IMDB දර්ශකයේ 7.5 / 10 ක් ද, රොටෙන් ටොමැටෝස් හි සියයට 53 ක් ද, කොමන් සෙන්ස් මීඩීයා හි 3 / 5 ක් ද හිමි කරගෙන ඇති අතර මිශ්‍ර විචාරක ප්‍රතිචාර ලබා  ඇත. කෙසේ නමුත්, රොටෙන් ටොමැටෝස් වෙබ් අඩවියෙහි ප්‍රධාන විචාරයෙහි මෙසේ සඳහන්ව ඇත. “Hotel Transilvenia 2  චිත්‍රපටය සිය පළමු වන්නට වඩා සුළු වශයෙන් හොඳ වුවද, එය ඇඩම් සැන්ද්ලර් සහ පිරිසගේ දායකත්වයෙන් විනාඩි 89 ක් පුරා දිවෙන, වර්ණවත්ව සජීවීකරණය කරන ලද, පරණ තාලේ චිත්‍රපටයක් බැලීමට රෙකමදාරු කිරීමට තරම් ප්‍රමාණවත් දැයි සැක සහිතය.”8

මෙම චිත්‍රපටයේ කතාන්දරය සැකෙවින් මෙසේය.

 

මේ වනවිට ඩ්‍රැකියුලා සිය හෝටලයේ දොරටු අමනුෂ්‍යයින්ට සේම මනුෂ්‍යයින් ටත් විවර කර ඇත. සියල්ල හොඳ පැත්තට හැරෙමින් ඇත. එනමුදු ඩ්‍රැකියුලා ට යම් කනගාටුවක් ඇත. ඒ සිය අර්ධ මනුෂ්‍ය මුනුපුරා වන ඩෙනිස්, වැම්පයර් ලක්ෂණ පෙන්නුම් නොකිරීමයි.9

තත්වය මෙසේ හෙයින් ඩ්‍රැකියුලා සිය දුවත් බෑනාත් නිවසේ නොසිටින අවස්ථාවක් බලා තම හිතමිතුරු අමනුෂ්‍යයින් හා එක්ව ඩෙනිස් ට පුහුණුවක් ලබා දෙයි. සියල්ල උඩු යටිකුරු වන්නේ ඩ්‍රැකියුලාගේ මිත්‍රශීලී නොවන පියා මීට අවතීර්ණ වනවාත් සමඟය.10

(අන්තර්ජාලය ඇසුරින්)

මේ ලිපියෙත්.  අදහස් හා යෝජනා කියන්නකෝ…

www.facebook.com/charuka4u

තවත් තොරතුරු ලබා ගන්න… මගේ බ්ලොග් පිටුවට එන්න…

http://charukalakshitha.blogspot.com/

චාරුක ලක්ෂිත (9 Posts)


2 thoughts on “Hotel Transylvania 2 | හොල්මනක් නොවූ හොල්මනක්…

  • October 11, 2015 at 10:16 PM
    Permalink

    මේකනම් එනකන් මග බලාගෙන ඉන්න ෆිල්ම් එකක්.. පුළුවන් ඉක්මනට බයිස්කෝප් එකෙන්ම දෙන්න මේකත්… කොහොම උනත් මේක වැදගත් ලිපියක්… මේ වගේ විස්තරාත්මක ලිපියක් ලියුවට ස්තුතිවන්ත වෙනවා… දිගටම මේ වගේ විස්තරාත්මක ලිපි දෙන්න…

  • October 10, 2015 at 7:02 AM
    Permalink

    Ela ela. Mekata sub daapu gamanma ba ganna ona

Leave a Reply

Your email address will not be published. Required fields are marked *