Insidious-2 ලබන අගෝස්තුවේදී…

FilmDistrict, Alliance Films නිපදවා Sony සමග බෙදා හැරි, ‘Insidious (2010)’ බැලුවනම්, තව පාරක් බය වෙන්ඩ ලෑස්ති වුණාට කමක් නෑ. මොකද මේ ආයතන තුනේම එකමුතුවෙන් ඒකේ දෙවෙනි කොටසක් හදන්ඩයි දැන් සූදානම. FilmDistrict අගෝස්තු 30 වැනිදා මෙය එක්සත් ජනපදය පුරා බෙදා හරිද්දී, Alliance Films කැනඩාවටත්, එක්සත් රාජධානියටත්, ස්පාඤ්ඤයටත් බෙදා හරියි. ඉතුරු හරිය Sony ලා බලා ගනියි.

මෙහි නිෂ්පාදන කටයුතු ජනවාරි 15 දින, ලොස් ඇන්ජලීස් වලදි ඇරඹෙනවා. ‘Insidious (2010)’ හදන්ඩ වැය කරල තියෙන්නේ ‘ඩොලර් මිලියන 1.5 ක්’ වුණාට ලෝකෙ පුරා හොයපු ආදායම ‘ඩොලර් මිලියන 97 ක්’. මේ චිත්‍රපටය හේතුවෙන් හුඟාක් අධ්‍යක්ෂකවරු අඩු වියදම් චිත්‍රපට තැනීම කෙරෙහි විශාල වශයෙන් උනන්දු වුණා. විශේෂත්වය තමයි දළපට-හමුවීම(Found-Footage) කියන තේමාව ඔස්සේ භීම චිත්‍රපට කිරීමට මෙතෙක් තිබුණු නැඹුරුතාවය මේ නිසා බිඳී යෑම.

මෙහි නව චිත්‍රපටයෙහි අඩංගු වන්නේත් පෙර මෙන්ම තමන්ගේ පුතා අඳුරු බලවේගයන්ගේ ග්‍රහණයට නතුවීම වළකාලන්නට තැත් දරන මවක සහ පියෙකුගේ කතාවක් බව තමයි කියල තියෙන්නේ. මේ Insidious චිත්‍රපට සම්බන්ධ තවත් විශේෂත්වයක් තමයි මේවා Holly-Woodහි ප්‍රධාන නිෂ්පාදන ප්‍රවාහයෙන් බැහැරව සිදු වන ස්වාධීන නිෂ්පාදන වන එක.

පෙර චිත්‍රපටයට එක්වූ ශිල්පීන් පිරිස යළි වරක් මේ වෙනුවෙනුත් එක්වෙනවා. James Wan පළමු එකේ වගේම මේකෙත් අධ්‍යක්ෂණ කටයුතු සිදු කරනවා. Lin Shaye සහ Ty Simpkins ආපහු රංගනයට එකතු වෙද්දී, Leigh Whannell තිරරචනය සිදු කරනවා. නිෂ්පාදනය Jason Blumගෙන්. එහෙමනම් තවත් බයටම මොළේ විකාර වෙන කතාවක් බලන්ඩ හිත හදාගත්තොත් හොඳා.

උදා (217 Posts)


2 thoughts on “Insidious-2 ලබන අගෝස්තුවේදී…

  • November 21, 2012 at 2:26 PM
    Permalink

    awahama balanawa aniwa thxxxxxxxxx

  • November 21, 2012 at 1:16 PM
    Permalink

    එල එල

Leave a Reply

Your email address will not be published. Required fields are marked *