මේ කටයුත්තේදී අපට ලිපි එවන්නත් ඔබට පුළුවන්. නවතම සිනමා නිර්මාණ ගැන ලිපියක්/ නවතම ටෙලි කතා මාලාවක් ගැන ලිපියක්/ නළු නිළියන්ගේ වැඩ ගැන/ නිර්මාණකරුවන් සහ සමාගම්වල කටයුතු වගේම සිනමාපට ගැන ඔබගේ විචාර සහ සිනමා ඉතිහාසය, ශිල්පීය ක්‍රම, උපකරණ වගේ දේවල් ගැනත් ලිපි සකස් කරලා අපට ලබා දෙන්න ඔබට පුළුවන්. අපේ අරමුණ මෙය හුදු පුවත් පමණක් පළ කරන අඩවියක් නොකර ඉන් ඔබ්බට ගෙනිහින් දැනුමකුත් ලබාදෙන තැනක් කරන්නයි. ඒ කටයුත්තෙදි සාර්ථක බවක් ලබන්නනම් ඔබගේ සහයෝගය අපට ඉතාම වැදගත්. විශේෂයෙන්ම සිනමාව හදාරන අය, ගවේෂණ කරන අය, සිනමාවේ නියැලෙන අය ඒ සඳහා අපත් එක්ක පෙළ ගැහිලා අපේ රටේ සිනමා සාක්ෂරතාවය දියුණු කරවන්නට අවශ්‍ය දැනුම බෙදන්න එක්කාසු වේවි කියල අපි හිතනවා. සිනමාවට ආදරය කරන ඔනෑම කෙනෙකුට අප හා එකතු වෙන්න කිසිදු බාධාවක් නෑ.

මෙතෙක් කලක් බයිස්කෝප් සිංහලෙන් වෙනුවෙන් ලිපි විතරක් සපයාපු අපේ මිතුරන් ඒ අඩවිය ඒ තැනට ගේන්න දීපු හයිය ගැන අමුතුවෙන් කියන්න ඕනි නෑ. ඒ අය නොහිටින්න අද මේ තැනට එන්න අපට බෑ. ඒක නිසා ඒ අයගෙන්; යළිත් වරක් අපත් සමග එකතු වෙලා ලිපි සපයන්න සතු‍ටු අයට මේ නව අඩවිය කොයි වෙලේත් විවෘතයි. ඔබේ ලේඛන හැකියාව යොදාගෙන, සත්‍ය හා නිවැරදි තොරතුරු සපයන වෙබ් අඩවිවලින් ලබා ගත් තොරතුරු ලිපියක් විදිහට සකසලා අපට ලබා දෙන්න කියන ආරාධනය අපි අපේ ඒ පරණ සගයින්ට යොමු කරනවා. යම් කෙනෙක් එහෙම ලිපි එවද්දී අනුගමනය කළ යුතු පිළිවෙත් ගැන සඳහනකුත් අපි මීට එකතු කර තිබෙනවා. ඔබ ලිපියක් එවද්දී ඒ අනුව කටයුතු කිරීම අප කාටත් පහසුවක් වෙන නිසයි ඒ.

එහෙමනම් අපි මේ පටන් ගන්න අලුත් වැඩේදිත් ඔබේ නොමද සහයෝගය, ශක්තිය අපට දිගටම ලබාදේවි කියල අපි හිතනවා. ඒ වගේම දිගටම අපිත් එක්ක ‍රැඳිල ඉන්න කියල ඔබෙන් ආදරයෙන් ඉල්ලා සිටිනවා.

පහත ලිපිනයට ඔබේ අදහස්, ලිපි, ගල් මුල්, චෝදනා ඕනම දෙයක් එවන්න.

[email protected]